Information Technology

วันพุธที่ 27 กุมภาพันธ์ พ.ศ. 2562

IT Computer

ຄອມພິວເຕີ (ຄຳເຄົ້າ: ຄອມພິວເຕີຣ໌, ອັງກິດ: computer) ຫຼື ອອກດີນາເຕີ (ຝຣັ່ງ: Ordinateur) ແມ່ນເຄື່ອງຈັກທີ່ສາມາດທຳການ ຄຳນວນ, ຄິດໄລ່ ແລະ ປະມວນຜົນ ທີ່ມີຄວາມຊັບຊ້ອນ. ການທຳງານຂອງມັນແມ່ນ ຈະເຮັດໄປຕາມ ໂປຣແກຣມ (Program) ເຊິ່ງຈະຢູ່ໃນຮູບແບບຂອງລາຍການຂອງຄຳສັ່ງ. ຄຳສັ່ງເຫຼົ່ານີ້ ສ່ວນຫຼາຍຈະທຳການ ຈັດການ (Process) ຂໍ້ມູນ ທີ່ລວມມີທັງ ໂຕເລກ, ໂຕໜັງສື,

ຮູບພາບ ຫຼື ສຽງ.

ເຄື່ອງຄໍານວນອັນທໍາອິດຂອງ ໂລກແມ່ນລູກຄິດ (Abacus) ເຊິ່ງແມ່ນຊາວຈີນເປັນຜູ່ຄິດຄົ້ນຂຶ້ນມາເມື່ອ 500 ປີ ກ່ອນ ຄ.ສ.

ໄລຍະແຫ່ງການພັດທະນາຂອງຄອມພິວເຕີ

ຄອມພິວເຕີເຄື່ອງທໍາອິດຂອງໂລກແມ່ນຖືກສ້າງຂຶ້ນໃນປີ 1946 ມີຊື່ວ່າ: ENIAC (Electron Numerical Integrator and Calculator) ມີນໍ້າຫນັກ 30 ໂຕນ ເປັນຜົນງານຂອງທະຫານອາເມຣິກາ ທີ່ສ້າງຂຶ້ນມາໃຊ້ໃນສົງຄາມໂລກຄັ້ງທີສອງ.

➾ ຍຸກທີ 1: (ຄ.ສ 1954-1958) ເປັນຍຸກຄອມພິວເຕີແບບໃຊ້ຫລອດສູນ ຍາກາດ (Vacuum Tube) ເຊິ່ງໂຕເຄື່ອງມີຂະຫນາດໃຫຍ່ ໃຊ້ໄຟຟ້າຫລາຍ ເຮັດໃຫ້ມີຄວາມຮ້ອນສູງ

➾ ຍຸກທີ 2: (ຄ.ສ 1959-1964) ເປັນຍຸກຄອມພິວເຕີທີ່ໃຊ້ Transistor ເປັນວົງຈອນ ແລະ ໃຊ້ວົງແຫວນແມ່ເຫລັກເປັນຫນ່ວຍຄວາມ ຈໍາ ເຮັດໃຫ້ໂຕເຄື່ອງນ້ອຍກວ່າຍຸກທໍາອິດ ໃຊ້ໄຟຟ້າຫນ້ອຍລົງ ແລະມີຄວາມຊັດ ເຈນໃນການປະມວນຜົນຫລາຍຂຶ້ນ.ການພັດທະນາຂອງຄອມພິວເຕີ

➾ ຍຸກທີ 3: (ຄ.ສ 1965-1970) ເປັນຍຸກທີ່ໃຊ້ວົງຈອນ IC (Integrated Circuit) ເຊິ່ງນໍາໃຊ້ສານເຄິ່ງຕົວນໍາມາບັນຈຸວົງຈອນ Logicໄວ້ແລ້ວພິມລົງແຜ່ນຊິລິຄອນ (Silicon) ເອີ້ນວ່າ “Chip”

➾ ຍຸກທີ 4: (ຄ.ສ 1971-1980) ເປັນຍຸກທີ່ໃຊ້ວົງຈອນ LSI (Large- Scale Integrated Circuit) ເປັນການລວມເອົາວົງຈອນ IC ຫລາຍໆໂຕມາໄວ້ໃນ Chip ນຶ່ງອັນ ເຊິ່ງໃນຍຸກນີ້ເອງທີ່ CPU ຫລື Micro Processor ຖືກໍາເນີດຂຶ້ນ.

➾ ຍຸກທີ 5: (ຄສ 1981-ປັດຈຸບັນ) ເປັນຍຸກຄອມພິວເຕີທີ່ໃຊ້ວົງຈອນ VLSI (Very Large-Scale Integrated Circuit)ເປັນການ ພັດທະນາ Microprocessor ໃຫ້ມີປະສິດທິພາບເພີ່ມຂຶ້ນອີກ.

ຂໍຂອບໃຈ ແຫລ່ງຂໍ້ມູນ ອ້າງອິງຈາກ:

http://computershoped.blogspot.com/2016/11/blog-post_22.html

ຜົນກະທົບຂອງເທັກໂນໂລຊີ

ເທັກໂນໂລຊີຂໍ້ມູນຂ່າວສານ ມີບົດບາດສໍາຄັນໃນການດໍາລົງຊີວິດປະຈຳວັນ ຂອງມະນຸດຫລາຍຂຶ້ນ ເຊິ່ງໃນຂະນະດຽວກັນນັ້ນ ເຄື່ອງຄອມພິວເຕີ ກໍມີລາຄາຖືກລົງ ດັ່ງນັ້ນ, ການປະຍຸກໃຊ້ ຂໍ້ມູນຂ່າວສານກັບງານຕ່າງໆ ຈຶ່ງເປັນໄປຢ່າງກວ້າງຂວາງ ຊຶ່ງການປະຍຸກໃຊ້ເທັກໂນໂລຊີນັ້ນ ມີຜົນກະທົບຕໍ່ການດຳລົງຊີວິດຂອງມະນຸດ ທັງໃນດ້ານບວກ ແລະ ດ້ານລົບ ດັ່ງນີ້:

1. ຜົນກະທົບທາງດ້ານບວກຂອງເທັກໂນໂລຊີ
1) ດ້ານຄຸນະພາບຊີວິດເທັກໂນໂລຊີຂໍ້ມູນຂ່າວສານ ເຮັດໃຫ້ໄດ້ຮັບຄວາມສະດວກສະບາຍຂຶ້ນ ໄດ້ແກ່:

- ມະນຸດໃຊ້ເທັກໂນໂລຂີຄອມພິວເຕີ ແລະ ໂປຣແກຣມ Office ຊ່ວຍໃຫ້ເກີດຄວາມວ່ອງໄວ ແລະ ເພີ່ມປະສິດທິພາບໃນການເຮັດວຽກງານໄດ້ດີຍິ່ງຂື້ນ.

- ມະນຸດໃຊ້ລະບົບໂທລະຄົມມະນາຄົມໃນການສື່ສານທີ່ວ່ອງໄວ ເຊັ່ນ: ການໃຊ້ໂທລະສັບເຄື່ອນທີ່ຕິດຕໍ່ສື່ສານໃນຂະນະເດິນທາງໄປຍັງທີ່ຕ່າງໆ ມະນຸດໃຊ້ຮຸ່ນຍົນຊ່ວຍໃນອຸດສາຫະກຳການຜະລິດ ທີ່ຕ້ອງສ່ຽງກັບອັນຕະລາຍ ຫລື ໃນງານທີ່ຕ້ອງການຄວາມແມ່ນຢຳ ແລະ ຄວາມວ່ອງໄວໃນການຜະລິດ ເຊັ່ນ: ຫຸ່ນຍົນສຳລັບງານສຳຫຼວດ, ຫຸ່ນຍົນທີ່ໃຊ້ງານໃນອະວະກາດ ເປັນຕົ້ນ.

- ມະນຸດນຳເອົາເທັກໂນໂລຢີຂໍ້ມູນຂ່າວສານ ມາປະຍຸກໃຊ້ໃນດ້ານການແພດ ໃຫ້ມີຄວາມຈະເລີນກ້າວໜ້າຂຶ້ນຫລາຍ ເຊັ່ນ: ເຄື່ອງມືກວດຄື້ນຫົວໃຈທີ່ທັນສະໄໝ ມີເຄື່ອງເອັກຊະເຣພາກຕັດຂວາງ ທີ່ສາມາດກວດເບິ່ງອະໄວຍະວະຕ່າງໆ ຂອງຮ່າງກາຍໄດ້ຢ່າງລະອຽດ.

2). ດ້ານສັງຄົມຂໍ້ມູນຂ່າວສານ ມີຜົນກະທົບທາງດ້ານບວກຕໍ່ສັງຄົມ ດັ່ງນີ້:

- ເທັກໂນໂລຊີຂໍ້ມູນຂ່າວສານ ເຮັດໃຫ້ເກີດການປ່ຽນແປງຈາກສັງຄົມອຸດສາຫະກຳມາເປັນ ຂໍ້ມູນຂ່າວສານ ແລະ ການສື່ສານ ກ່າວຄື ເປັນສັງຄົມທີ່ໃຊ້ຂໍ້ມູນຂ່າວສານ ໃນການຕັດສິນໃຈ ແລະ ການກະຈາຍຂໍ້ມູນຂ່າວສານໄປໄດ້ທົ່ວທຸກຫົນແຫ່ງ ຊຶ່ງຈະກໍ່ໃຫ້ເກີດຄວາມສະເໝີພາກເທົ່າທຽມກັນໃນສັງຄົມ.
- ເທັກໂນໂລຢີຂໍ້ມູນຂ່າວສານ ເຮັດໃຫ້ເກີດຊຸມຊົນເຫມືອນ ຊຶ່ງເປັນກຸ່ມຄົົນທີ່ມີຄວາມສົນໃຈເລື່ອງດຽວກັນ ສາມາດແລກປ່ຽນຄວາມຄິດເຫັນ ຄວາມຮູ້ຊຶ່ງກັນ ແລະ ກັນໄດ້ ແລະ ຄວາມຮູ້ເຫຼົ່ານີ້ ຈະຖືກບັນທຶກໄວ້ໃນລະບົບຄອມພິວເຕີ ແລະ ສາມາດເອີ້ນໃຊ້ໄດ້ຕາມຕ້ອງການ.

3). ດ້ານການຮຽນການສອນ ເທັກໂນໂລຊີຂໍ້ມູນຂ່າວສານ ເຮັດໃຫ້ເກີດປະສິດທິພາບການຮຽນຮູ້ ດັ່ງນີ້:

- ການສ້າງໂປຣແກຣມຈຳລອງສະຖານນະການຕ່າງໆ ເຮັດໃຫ້ນັກຮຽນເຂົ້າໃຈເນື້ອຫາຂອງບົດຮຽນໄດ້ຢ່າງຊັດເຈນ ເຊັ່ນ: ການຈຳລອງສະພາວະສິ່ງແວດລ້ອມ: ການຈຳລອງລະບົບມົນລະພາວະ, ການຈຳລອງການໄຫຼຂອງຂອງແຫລວ ຫລື ແມ່ນແຕ່ ການນຳເອົາຄອມພິວເຕີມາຈຳລອງໃຫ້ຜູ້ຮຽນໄດ້ຢູ່ໃນສະພາບທີ່ເຫມືອນຈິງ ເຊັ່ນ: ຈຳລອງການແລ່ນເຮືອ, ຈຳລອງການຂັບເຄື່ອງບິນ, ຈຳລອງການຂັບລົດ ເປັນຕົ້ນ; ຊຶ່ງຫຼຸດຄວາມຜິດພາດຈາກຄວາມເສຍຫາຍ ແລະ ຄວາມສ່ຽງຈາກການໄດ້ຮັບອັນຕະລາຍຂອງຜູ້ຮຽນລົງໄດ້.

- ເທັກໂນໂລຢີຂໍ້ມູນຂ່າວສານ ເຮັດໃຫ້ເກີດການຮຽນຮູ້ຕະຫລອດຊີວິດ (Lifelong learning) ໄດ້ຢ່າງມີປະສິດທິພາບ ເຊັ່ນ: ການປ່ຽນແປງຂອງສັງຄົມ, ການເມືອງ, ເສດຖະກິດໂລກ ລວມເຖິງເທັກໂນໂລຊ່ທີ່ວ່ອງໄວ ເຮັດໃຫ້ມະນຸດຕ້ອງພັດທະນາຕົນເອງ ແລະ ປັບຕົນເອງໃຫ້ກ້າວທັນຄວາມປ່ຽນແປງຕ່າງໆ ໂດຍການຮຽນຮູ້ດ້ວຍຕົນເອງຈາກແຫຼ່ງຄວາມຮູ້ຕ່າງໆ ທົ່ວໂລກ.

2. ຜົນກະທົບທາງດ້ານລົບ ຂອງເທັກໂນໂລຊີ

1) ຄຸນນະພາບຊີວິດເທັກໂນໂລຊີຂໍ້ມູນຂ່າວສານ ກໍ່ໃຫ້ເກີດຜົນກະທົບດ້ານຄຸນນະພາບຊີວິດ ຊຶ່ງສ່ວນໃຫຍ່ມັກເກີດຜົນກະທົບຕໍ່ສຸຂະພາບກາຍ ແລະ ສຸຂະພາບຈິດ ດັ່ງນີ້:

- ພະຍາດອັນເກີດຈາກການໃຊ້ງານເຄື່ອງຄອມພິວເຕີເປັນເວລາດົນນານ ໄດ້ແກ່: ອາການບາດເຈັບຂອງກ້າມຊີ້ນ ບໍລິເວນຂໍ້ມືເນື່ອງຈາກຈັບເມົາສ໌ ຫລື ໃຊ້ແປ້ນພິມເປັນເວລາດົນ ອາການປວດຄໍ ໄຫຼ່ ແລະຫຼັງ ການເກີດບັນຫາດ້ານສາຍຕາ ເນື່ອງຈາກຈ້ອງເບິ່ງທີ່ໜ້າຈໍຄອມພິວເຕີເປັນເວລາດົນຕິດຕໍ່ກັນ ເປັນຕົ້ນ.

- ພະຍາດທົນບໍ່ໄດ້ (Hurry Sickness) ເກີດກັບຜູ້ທີ່ໃຊ້ງານອິນເຕີເນັດ ຊຶ່ງເຮັດໃຫ້ຜູ້ໃຊ້ເປັນຄົນຂີ້ເບື່ອ, ຫງຸດຫງິດງ່າຍ, ໃຈຮ້ອນ, ຄຽດງ່າຍ, ຄວາມອົດທົນຫຼຸດລົງ ຊຶ່ງຈະເປັນພຶດຕິກຳຕິດຕົວໄປໃຊ້ໃນການດຳເນີນກິດຈະກຳໃນຊີວິດປະຈຳວັນດ້ວຍ ຫາກມີອາການໜັກໄປກວ່ານັ້ນ ອາດຈະກາຍເປັນພະຍາດປະສາດໄດ້.

- ມະນຸດເກີດຄວາມຄຽດຈາກການເລືອກໃຊ້ຂໍ້ມູນ ແລະ ຂໍ້ມູນຂ່າວສານທີ່ມີຢູ່ຢ່າງຫລວງຫລາຍ ລວມໄປເຖິງ ຄວາມຄຽດຈາກຄວາມວິຕົກກັງວົນວ່າ ຈະມີການນຳຄອມພິວເຕີມາທົດແທນແຮງງານຂອງຄົນ.

2) ດ້ານທັກສະທາງສັງຄົມ ເທັກໂນໂລຊີຂໍ້ມູນຂ່າວສານ ມີຜົນກະທົບຕໍ່ສັງຄົມ ດັ່ງນີ້:

- ການຂາດທັກສະທາງສັງຄົມ ເນື່ອງຈາກອິນເຕີເນັດເຮັດໃຫ້ເກີດການສື່ສານພົວພັນ ໄດ້ໂດຍບໍ່ຕ້ອງພົບພໍ້ກັນ ຊຶ່ງພົບວ່າ ປະຈຸບັນຄົນໃນສັງຄົມ ຈະນິຍົມໃຊ້ບໍລິການເຄືອຂ່າຍສັງຄົມ ຫລື ທີ່ເອີ້ນວ່າ: Social Network ຫລາຍຂຶ້ນ ເຊັ່ນ: ເວັບໄຊ Facebook, Hi5... ເຮັດໃຫ້ຄວາມສຳພັນລະຫວ່າງບຸກຄົນໃນສັງຄົມນ້ອຍລົງ ທັກສະທາງສັງຄົມຕ່າງໆ ທີ່ໃຊ້ໃນການປະຕິສຳພັນ ແລະ ການສື່ສານລະຫວ່າງກັນ ໄດ້ແກ່: ທັກສະການເວົ້າ, ການຟັງ, ການເຮັດວຽກງານຮ່ວມກັນ ລວມໄປເຖິງ ຄວາມສາມາດໃນການເຂົ້າໃຈເຖິງສະຖານນະການທີ່ຫຼາກຫຼາຍ ກົດກະຕິກາຕ່າງໆ ໃນສັງຄົມ ແລະ ການຄິດຄຳນຶງເຖິງຄົນອ້ອມຂ້າງຢ່າງເຂົ້າອົກເຂົ້າໃຈ ຊຶ່ງທັກສະທາງສັງຄົມ ເປັນສິ່ງທີ່ສຳຄັນ ແລະ ຈຳເປັນສຳລັບທຸກເພດທຸກໄວ ດັ່ງນັ້ນ, ການຂາດທັກສະທາງສັງຄົມ ຈະເຮັດໃຫ້ຄົນຂາດການເຮັດຄວາມເຂົ້າໃຈຜູ້ອື່ນ ບໍ່ມີການເຮັດວຽກງານຮ່ວມກັນ ຈົນກະທັ້ງ ອາດກໍ່ໃຫ້ເກີດຄວາມຂັດແຍ້ງກັນໃນສັງຄົມຂຶ້ນໄດ້.

- ການກໍ່ໃຫ້ເກີດອາດຊະຍາກໍາທາງຄອມພິວເຕີຫລາຍຂຶ້ນ ແລະ ຮຸນແຮງຂຶ້ນ ເທັກໂນໂລຊີຂໍ້ມູນຂ່າວສານ ເປັນເຄື່ອງມືໜຶ່ງ ໃນການກໍ່ອາດຊະຍາກໍາໄດ້ງ່າຍ ຜູ້ບໍ່ຫວັງດີອາດນໍາໃຊ້ໄປໃນທາງທີ່ຜິດ ເຊັ່ນ: ການລັກຂໍ້ມູນຂອງບໍລິສັດ ແລະ ນຳໄປເປີດເຜີຍກັບບໍລິສັດຄູ່ແຂ່ງ, ການເຈາະລະບົບຂອງທະນາຄານ ແລະ ປ່ຽນແປງຂໍ້ມູນເງີນໃນບັນຊີດທະນາຄານໃຫ້ສູງຂຶ້ນ, ການລໍ້ລວງຜູ້ທີ່ຫລິ້ນອິນເຕີເນັດ ແລະ ກໍ່ຄະດີລ່ວງລະເມີດທາງເພດ, ການເຜີຍແຜ່ຂໍ້ມູນທີ່ບໍ່ມັກດ້ວຍກົດຫມາຍໃນແງ່ມຸມຕ່າງໆ ການສົ່ງໄວຣັສເຂົ້າໄປທຳລາຍຂໍ້ມູນຂອງຜູ້ອື່ນ ເປັນຕົ້ນ.

3) ດ້ານການຮຽນການສອນ ຜົນກະທົບໃນທາງລົບກັບການຮຽນການສອນຈະເກີດຂຶ້ນຫາກຜູ້ສອນ ໃຊ້ເທັກໂນໂລຢີຂໍ້ມູນຂ່າວສານ ໃນການຈັດການຮຽນການສອນທັງໝົດ ແລະ ປ່ອຍໃຫ້ຜູ້ຮຽນສຶກສາແລະ ຮຽນຮູ້ດ້ວຍຕົນເອງ ຜູ້ຮຽນທີ່ມີປະສົບການນ້ອຍອາດຕີຄວາມໄດ້ບໍ່ຖືກຕ້ອງ ລວມເຖິງ ການໃຊ້ອິນເຕີເນັດໃນທາງທີ່ຜິດ ດັ່ງນັ້ນ, ຜູ້ສອນຈຳເປັນຢ່າງຍິ່ງ ທີ່ຈະຕ້ອງຮຽນຮູ້ການປະຍຸກໃຊ້ເທັກໂນໂລຊີຂໍ້ມູນຂ່າວສານກັບການຮຽນການສອນ ໂດຍການໃຫ້ຄຳແນະນຳ ອົບຮົມສັ່ງສອນດ້ານຄຸນນະທຳ ຈະລິຍະທຳຄວບຄູ່ໄປກັບການ ໃຊ້ເຄືອຂ່າຍອິນເຕີເນັດໄປພ້ອມໆ ກັນ.

ຂໍຂອບໃຈ
http://yarkhu.blogspot.com/2018/06/ict_77.html

ICT ແມ່ນຫຍັງ?

ICT (Information Communication Technology) ໝາຍເຖິງ ການຕິດຕໍ່ສື່ສານທີ່ກ່ຽວຂ້ອງກັບຂໍ້ມູນຂ່າວສານໂດຍໃຊ້ເທັກໂນໂລຊີ
- I = (Information) ໝາຍເຖິງ ຂໍ້ມູນຂ່າວສານທີ່ບັນທຶກເປັນລະບົບ ເພື່ອນໍາມາໃຊ້ງານ
- C = (Communication) ໝາຍເຖິງ ການຕິດຕໍ່ສື່ສານ
- T = (Technology) ໝາຍເຖິງ ຄອມພິວເຕີ ແລະ ໂທມະນາຄົມ ຄວາມໝາຍລວມຂອງ ICT ກໍ່ຄືເທັກໂນໂລຍີທີ່ໃຊ້ຈັດການຂໍ້ມູນຂ່າວສານ ແລະ ສື່ສານເປັນເທັກໂນໂລຢີທີ່ກ່ຽວຂ້ອງຕັ້ງແຕ່ການລວມຕົວຈັດເກັບຂໍ້ມູນການປະມວນຜົນ, ການພິມສັ່ງງານ, ການສື່ສານຂໍ້ມູນອື່ນໆ. ເຊິ່ງລວມໄປເຖິງການບໍລິການ, ການໃຊ້ດູແລຂໍ້ມູນ ໂດຍຄວາມຈິງແລ້ວຄູເຮົາໃຊ້ ICT ຈັດການຮຽນການສອນ ມາດົນແລ້ວ ພຽງແຕ່ໃຊ້ຮູບແບບເກົ່າເຊິ່ງຫາກມີການພັດທະນາໂດຍໃຊ້ເທັດໂນໂລຍີທີ່ກ່ຽວຂ້ອງຕັ້ງແຕ່ ການລວບລວມຈັດເກັບຂໍ້ມູນ, ການປະມວນຜົນ, ການພິມ, ການສ້າງງານສື່ສານຂໍ້ມູນອື່ນໆ.

ICT ໝາຍເຖິງ ເທັກໂນໂລຢີທີ່ຊ່ວຍໃນການລວບລວມຂໍ້ມູນ ກວດສອບ ຈັດໝວດໝູ່ ຮຽງລຳດັບ ສະຫລຸບ ຄິດໄລ່ ຈັດເກັບ ຄົ້ນຄືນ ຈັດເຮັດສຳເນົາ ແລະ ແຜ່ກະຈາຍ ຫລື ສື່ສານຂໍ້ມູນ ເຮັດໃຫ້ຂໍ້ມູນກາຍເປັນສານຂໍ້ມູນທີ່ດີ ມີຄວາມຖືກຕ້ອງ ກົງຕາມຄວາມຕ້ອງການ ແລະ ເກີດມີຄຸນຄ່າຕໍ່ຜູ້ໃຊ້

⏩ ຄວາມໝາຍ
* I (Information) = ຂໍ້ມູນຂ່າວສານ
* C (Communication) = ການສື່ສານ
* T (Technology) = ເທັກໂນໂລຍີ
Information Communication Technology ແປວ່າ: ເທັກໂນໂລຍີຂໍ້ມູນຂ່າວສານ ແລະ ການສື່ສານ

⏩ ຄວາມສໍາຄັນຂອງ ICT
1. ເທັກໂນໂລຍີຂໍ້ມູນຂ່າວສານ ແລະ ການສື່ສານ ຊ່ວຍເສີມຜົນຜະລິດ ແລະ ປະສິດທິພາບ
2. ເທັກໂນໂລຍີຂໍ້ມູນຂ່າວສານ ແລະ ການສື່ສານ ປ່ຽນຮູບການບໍລິການເປັນແບບກະຈາຍ
3. ເທັກໂນໂລຍີຂໍ້ມູນຂ່າວສານ ແລະ ການສື່ສານ ເປັນສິ່ງທີ່ຈໍາເປັນສໍາລັບການດໍາເນີນການໃນໜ່ວຍຄວາມຈໍາຕ່າງໆ
4. ເທັກໂນໂລຍີຂໍ້ມູນຂ່າວສານ ແລະ ການສື່ສານ ກັບທຸກລະດັບ

⏩ ປະໂຫຍດຂອງເທັກໂນໂລຍີຂໍ້ມູນຂ່າວສານ ແລະ ການສື່ສານ
1. ຄວາມໄວ: ການນໍາເອົາຄອມພິວເຕີເຂົ້າຊ່ວຍໃນການທໍາງານມີຄວາມໄວຍິ່ງຂື້ນບໍ່ວ່າຈະເປັນການປະມວນຜົນ, ການຄົ້ນຫາຂໍ້ມູນຈະເຮັດໄດ້ໄວຂື້ນ ແລະ ປະຫຍັດເວລາໃນການຄົ້ນຫາຂໍ້ມູນເຊັ່ນ: ການໃຊ້ລະບົບຫ້ອງສະໝຸດອັດຕະໂນມັດ
2. ຄວາມຖືກຕ້ອງ:
ຄອມພິວເຕີເປັນເຄື່ອງເອເລັກໂຕນິກທີ່ມີການປະມວນຜົນຂໍ້ມູນທີ່ຖືກຕ້ອງແມ່ນຢໍາ ເຮັດໃຫ້ຂໍ້ມູນທີ່ໄດ້ຈາກການປະມວນຜົນນັ້ນ ມີຄວາມສາມາດໜ້ອຍກວ່າການປະມວນຜົນດ້ວຍມະນຸດ
3. ການເກັບບັນທຶກຂໍ້ມູນ:
ຂໍ້ມູນທີ່ເກັບບັນທຶກໄວ້ໃນຄອມຈະເປັນຂໍ້ມູນເອເລັກໂຕນິກທີ່ມີສື່ໃນການໃຊ້ ໃນການຈັດເກັບຂໍ້ມູນ ເຮັດໃຫ້ຄວາມສາມາດໃນການຈັດເກັບຂໍ້ມູນໄດ້ຈໍານວນຫຼາຍ ແລະ ມີຄວາມທົນທານກວ່າການເກັບຂໍ້ມູນໄວ້ໃນເຈ້ຍ
4. ການເຜີຍແຜ່ຂໍ້ມູນ:
ການຮັບສົ່ງຂໍ້ມູນໃນປະຈຸບັນ ໂດຍການໃຊ້ເທັກໂນໂລຍີ ຂໍ້ມູນຂ່າວສານ ຈະເຮັດໃຫ້ການເຜີຍແຜ່ຂໍ້ມູນເຮັດໄດ້ຢ່າງກວ້າງຂວາງສາມາດກະຈາຍໄດ້ທົ່ວໂລກ.

ຄວາມສຳຄັນຂອງ ICT

ເທັກໂນໂລຢີ ຄື ການປະຍຸກເອົາຄວາມຮູ້ທາງດ້ານວິທະຍາສາດ ເຂົ້າມານໍາໃຊ້ໃນຊີວິປະຈໍາວັນຂອງພວກເຮົາ ເຊັ່ນ: ຄອມພິວເຕີ, ການສື່ສານ ໂທລະຄົມມະນາຄົມ ຕະຫລອດຈົນການສຶກສາພັດທະນາອົງຄວາມຮູ້ຕ່າງໆ ມາໃຊ້ໃຫ້ເກີດປະໂຫຍດໃນກິດຈະການຕ່າງໆ ເຊັ່ນ: ດ້ານການແພດ, ການສຶກສາ, ການຄ້າ, ແລະ ອຸດສາຫະກຳ.

1. ຊ່ວຍເພີ່ມປະສິດທິພາບການເຮັດວຽກງານ: ສາມາດເຮັດໃຫ້ມະນຸດເຮັດວຽກໄດ້ວ່ອງໄວ ຖືກຕ້ອງ ແລະ ແມ່ນຢຳຫລາຍຍິ່ງຂຶ້ນ
2. ຊ່ວຍດ້ານການບໍລິການ: ມີການໃຊ້ລະບົບຖານຂໍ້ມູນໃນເຄືອຂ່າຍ ຜູ້ທີ່ຕ້ອງການໃຊ້ບໍລິການກໍຈະສາມາດ ໃຊ້ລະບົບຖານຂໍ້ມູນຈາກສະຖານທີ່ ຫລື ເວລາໃດກໍໄດ້
3. ຊ່ວຍດຳເນີນການໃນຫນ່ວຍງານ: ເປັນການນຳເທັກໂນໂລຊີມາຈັດລະບົບການເຮັດວຽກງານ
4. ຊ່ວຍອຳນວຍຄວາມສະດວກໃນຊີວິດປະຈຳວັນ: ເຊັ່ນ ການຮັບຂໍ້ຄວາມຜ່ານທາງໂທລະສັບເຄື່ອນທີ່ ຫລື ການບັນທຶກຂໍ້ມູນຮູບພາບດ້ວຍກ້ອງດິຈິຕອລ.
5. ຊ່ວຍເຮັດໃຫ້ລະບົບເສດຖະກິດ: ປ່ຽນຈາກລະບົບແຫ່ງຊາດໄປເປັນເສດຖະກິດໂລກ.

ຂໍຂອບໃຈ
http://yarkhu.blogspot.com/2018/06/ict.html

Router ແມ່ນຫຍັງ

ເຣົາເຕີ (ອັງກິດ: router) ເປັນອຸປະກອນຄອມພິວເຕີ ທີ່ເຮັດຫນ້າທີ່ຫາເສັ້ນທາງ ແລະ ສົ່ງ(forward) ແພັກເກັດຂໍ້ມູນລະຫວ່າງເຄືອຂ່າຍຄອມພິວເຕີ ໄປຍັງເຄືອຂ່າຍປາຍທາງທີ່ຕ້ອງການ
ດັ່ງນັ້ນ, ການເຊື່ອມຕໍ່ຄອມພິວເຕີດ້ວຍ Router ເຮັດໃຫ້ເຮົາສາມາດເຊື່ອມຕໍ່ຄອມພິວເຕີໄດ້ຫລາຍກວ່າໜຶ່ງເຄື່ອງໃນເວລາດຽວກັນ ຊຶ່ງ Router ນັ້ນ ຈະມີຊອບແວທີ່ໃຊ້ໃນການຄວບຄຸມການເຮັດວຽກງານເອີ້ນວ່າ: Internetwork Operating System (IOS) ແລະ ຕົວ Router ຈະມີຊ່ອງທີ່ໃຊ້ສຽບຕໍ່ສາຍສັນຍານເອີ້ນວ່າ: Port LAN ຊຶ່ງໂດຍທົ່ວໄປມັກມີ 4 Ports ຫລື ຫລາຍກວ່າ ໃນ Router 1 ຕົວ

ຊະນິດຂອງ Router

1. ເຣົາເຕີ (Router): ເຮົາເຕີຊະນິດນີ້ ເປັນເຣົາເຕີທີ່ບໍ່ສາມາດເຊື່ອມຕໍ່ອິນເຕີເນັດໄດ້ດ້ວຍຕົວເອງ ການເຮັດວຽກງານຈຳເປັນຕ້ອງມີອຸປະກອນອື່ນໆ ເສີມການເຮັດວຽກງານດ້ວຍ ແຕ່ຂໍ້ດີຂອງເຣົາເຕີແບບນີ້ ຄືເຮັດວຽກຕາມຫນ້າທີ່ໄດ້ຢ່າງເຕັມທີ່ ແລະ ບໍ່ຄ່ອຍມີຂໍ້ຜິດພາດໃນການເຮັດວຽກງານ

2. ໂມເດັມເຣົາເຕີ (Modem Router/ ADSL Modem): ໂມເດັມປະເພດນີ້ ຈະເຫັນຢູ່ໃນຕະຫຼາດຢ່າງຫລວງຫລາຍ ເປັນປະສົມຄວາມສາມາດຂອງໂມເດັມ ແລະ ເຣົາເຕີໄວ້ນຳກັນ ຊຶ່ງເຮັດໃຫ້ສະດວກສະບາຍໃນການໃຊ້ງານ ໂດຍໂມເດັມເຮົາເຕີນີ້ ສາມາດເຊື່ອມຕໍ່ອິນເຕີເນັດຄວາມໄວສູງໄດ້ດ້ວຍຕົວເອງ ແລະ ກະຈາຍຂໍ້ມູນຕ່າງໆ ໄປຍັງເຄື່ອງຄອມພິວເຕີບ່ອນເຮັດວຽກເຊື່ອມຕໍ່ຢູ່ໄດ້ໃນທັນທີ ສ່ວນຫລາຍແລ້ວໂມເດັມເຮົາເຕີຈະມີ Port LAN ມາໃຫ້ 4 ຊ່ອງນຳກັນຊຶ່ງເປັນພື້ນຖານຂອງອຸປະກອນຊະນິດນີ້

3. ໄວເລສໂມເດັມເຣົາເຕີ (Wireless ADSL Modem Router): ເຣົາເຕີຊະນິດນີ້ ຈະເຮັດວຽກໄດ້ຄືກັນກັບໂມເດັມເຣົາເຕີທຸກປະການ ພຽງແຕ່ມີຄວາມສາມາດໃນການປ່ອຍສັນຍານ wireless ໃຫ້ກັບອຸປະກອນທີ່ສາມາດຮັບ wireless ໄດ້ ໂດຍພື້ນຖານຂອງອຸປະກອນຊະນິດຈະມີ Port LAN 4 ພອດແລະ ມີເສົາສັນຍານທີ່ໃຊ້ໃນການກະຈາຍສັນຍານໄວໄຟຈຳນວນ 2 ເສົາ. Router ປະເພດນີ້ຖືວ່າມີຄວາມສະດວກສະບາຍຫລາຍ ແລະ ໃນປະຈຸບັນເປັນທີ່ນິຍົມໃຊ້ງານກັນຫລາຍໃນຕະຫລາດ

4. ໄວເລສເຣົາເຕີ (Wireless Router): ເປັນເຣົາເຕີທີ່ບໍ່ສາມາດເຊື່ອມຕໍ່ອິນເຕີເນັດໄດ້ດ້ວຍຕົວເອງຄືກັນກັບປະເພດທໍາອິດ ແຕ່ເຣົາເຕີປະເພດນີ້ສາມາດກະຈາຍສັນຍານອິນເຕີເນັດທີ່ໄດ້ຮັບດ້ວຍລະບົບ wireless ໄດ້ ແລະ ຍັງກະຈາຍສັນຍານຜ່ານສາຍນຳສັນຍານຈາກ Port LAN ທັງ 4 ພອດ ທີ່ມີການຕິດຕັ້ງມາກັບຕົວອຸປະກອນດ້ວຍ.

ຫນ້າທີ່ຫຼັກຂອງ Router

ຫນ້າທີ່ຫຼັກຂອງ Router ຄື ການຫາເສັ້ນທາງໃນການສົ່ງຜ່ານຂໍ້ມູນທີ່ດີທີ່ສຸດ ແລະ ເປັນຕົວກາງໃນການສົ່ງຕໍ່ຂໍ້ມູນໄປຍັງເຄືອຂ່າຍອື່ນ ທັງນີ້ Router ສາມາດເຊື່ອມໂຍງເຄືອຂ່າຍທີ່ໃຊ້ສື່ສັນຍານຫຼາຍແບບແຕກຕ່າງກັນໄດ້ ບໍ່ວ່າຈະເປັນ Ethernet, Token Rink ຫລື FDDI ທັງໆ ທີ່ໃນແຕ່ລະລະບົບຈະມີ packet ເປັນຮູບແບບຂອງຕົນເອງຊຶ່ງແຕກຕ່າງກັນ ໂດຍໂປຣໂຕຄອນທີ່ເຮັດວຽກໃນລະດັບເທິງ ຫລື Layer 3 ຂຶ້ນໄປ ເຊັ່ນ: IP, IPX ຫລື AppleTalk ເມື່ອມີການສົ່ງຂໍ້ມູນກໍຈະບັນຈຸຂໍ້ມູນນັ້ນເປັນ packet ໃນຮູບແບບຂອງ Layer 2 ຄື: Data Link Layer ເມື່ອ Router ໄດ້ຮັບຂໍ້ມູນມາກໍຈະກວດເບິ່ງໃນ packet ເພື່ອຈະຮູ້ວ່າໃຊ້ໂປຣໂຕຄອນແບບໃດ ຈາກນັ້ນ ກໍຈະກວດເບິ່ງເສັ້ນທາງສົ່ງຂໍ້ມູນຈາກຕາລາງ Routing Table ວ່າຈະຕ້ອງສົ່ງຂໍ້ມູນນີ້ໄປຍັງເຄືອຂ່າຍໃດຈຶ່ງຈະຕໍ່ໄປເຖິງປາຍທາງໄດ້ ແລ້ວຈຶ່ງບັນຈຸຂໍ້ມູນລົງເປັນ Packet ຂອງ Data Link Layer ທີ່ຖືກຕ້ອງອີກເທື່ອ ເພື່ອສົ່ງຕໍ່ໄປຢັງເຄືອຂ່າຍປາຍທາງ

ປະໂຫຍດຂອງເຮົາເຕີຣ໌ (Router)

1. ເຣົາເຕີສາມາດຊ່ວຍເພີ່ມການໃຊ້ງານຂອງລະບົບເຄືອຂ່າຍໄດ້ ເພາະເຣົາເຕີໜຶ່ງຕົວສາມາດເຊື່ອມຕໍ່ກັບເຄື່ອງຄອມພິວເຕີໄດ້ຫລາຍກວ່າ 1 ເຄື່ອງເຮັດໃຫ້ເຮົາສາມາດເຊື່ອມໂຍງເຄືອຂ່າຍໄດ້ຫລາຍຕາມລັກສະນະການໃຊ້ງານ
2. ເຣົາເຕີທີ່ສາມາດປ່ອຍສັນຍານ WiFi ຫລື wireless ໄດ້ນັ້ນ ຍັງຊ່ວຍໃຫ້ປະຢັດຄ່າໃຊ້ຈ່າຍໃນການຕໍ່ສາຍນຳສັນຍານ ແລະ ເຮັດໃຫ້ເກີດຄວາມສະດວກສະບາຍໃນການໃຊ້ງານ ນອກຈາກນັ້ນ, ເຣົາເຕີຍັງມີຄວາມປອດໄພຂອງຂໍ້ມູນທີ່ສົ່ງຜ່ານ wireless ອີກດ້ວຍ
3. ເຣົາເຕີບາງລຸ້ນ ມີການຕິດຕັ້ງໂປຣແກຣມປ້ອງກັນໄວຣັສມາໃຫ້ດ້ວຍ ເຮັດໃຫ້ເກີດຄວາມປອດໄພໃນການໃຊ້ງານ ນອກຈາກນັ້ນ ເຣົາເຕີຈະສາມາດປ້ອງກັນຂໍ້ມູນທີ່ມີການສົ່ງຜ່ານເຣົາເຕີໄດ້ອີກດ້ວຍ.

ຂໍຂອບໃຈ
http://yarkhu.blogspot.com/2017/06/router.html

Hacker ແມ່ນຫຍັງ

ແຮັກເກີ (Hacker) ຄື ບຸກຄົນທີ່ມີຄວາມສົນໃຈ ໃນກົນໄກການເຮັດວຽກງານຂອງລະບົບປະຕິບັດການເທິງຄອມພິວເຕີຢ່າງເລິກເຊິ່ງ ແຮັກເກີສ່ວນໃຫຍ່ຕ້ອງມີຄວາມຮູ້ທຽບເທົ່າ ຫລື ເໜືອກວ່າໂປຣແກຣມເມີ ໂດຍຈະເປັນເຊັ່ນນັ້ນໄດ້ ເພາະພວກເຂົາມີຄວາມເອົາໃສ່ໃຈທີ່ຈະນຳຄວາມຮູ້ພື້ນຖານທີ່ຜູ້ອື່ນເບິ່ງວ່າທຳມະດາມາປະຍຸກໃຊ້ ທັງນີ້ ເພື່ອໃຫ້ເກີດແນວຄວາມຄິດສ້າງສັນໃໝ່ໆ ຢູ່ໃນສັງຄົມດິຈິຕອລຢູ່ຕະຫລອດເວລາ ແຮັກເກີຈະມີຄວາມເຂົ້າໃຈໃນຈຸດອ່ອນຂອງລະບົບ ແລະ ທີ່ມາຂອງຈຸດອ່ອນນັ້ນໆ ເນື່ອງຈາກຄອຍຖ້າຕິດຕາມຂ່າວສານ ແລະ ຄວາມຮູ້ໃໝ່ໆ ຢູ່ຕະຫລອດເວລາ ການກະທຳໃດໆ ທີ່ເກີດຈາກການສຶກສາຂອງແຮັກເກີຈະຕ້ອງແນ່ໃຈແລ້ວວ່າ ບໍ່ກໍ່ໃຫ້ເກີດຄວາມເສຍຫາຍແກ່ຂໍ້ມູນ

ແຮັກເກີ (Hacker) ໝາຍເຖິງ ບຸກຄົນຜູ້ທີ່ເປັນອັດສະລິຍະ ມີຄວາມຮູ້ໃນລະບົບຄອມພິວເຕີເປັນຢ່າງດີ ສາມາດເຂົ້າໄປເຖິງຂໍ້ມູນໃນຄອມພິວເຕີ ໂດຍເຈາະຜ່ານລະບົບຮັກສາຄວາມປອດໄພ ຂອງຄອມພິວເຕີໄດ້ ກຸ່ມພວກນີ້ຈະອ້າງວ່າ ຕົນມີຈັນຍາບັນ ບໍ່ຫາຜົນປະໂຫຍດຈາກການບຸກລຸກ ແລະ ປະນາມພວກ Cracker
ແຮັກເກີ (Hacker) ຄື ບຸກຄົນຜູ້ຊຶ່ງສາມາດປະຍຸກເອົາຄວາມຮູ້ທຳມະດາ ໃຫ້ກາຍເປັນເຄື່ອງມືພິເສດ ຊຶ່ງສາມາດນຳໄປໃຊ້ປະໂຫຍດໃນທາງທີ່ສຸຈະລິດໄດ້
ແຕ່ດຽວນີ້ ຄຳວ່າ Hacker ໝາຍເຖິງ Security Professional ທີ່ຄອຍຖ້າໃຊ້ຄວາມສາມາດຊ່ວຍກວດກາລະບົບ ແລະ ແຈ້ງເຈົ້າຂອງລະບົບວ່າ ມີຊ່ອງໂຫວ່ບ່ອນໃດ ອາດເວົ້າວ່າເປັນ Hacker ທີ່ມີອະລິຍະທຳນັ້ນເອງ ໃນຕ່າງປະເທດ ມີວິຊາທີ່ສອນເຖິງການເປັນ Ethical Hacker ຫລື ແຮັກເກີແບບມີອະລິຍະທຳ ຊຶ່ງແຮັກເກີແບບນີ້ເອີ້ນອີກຢ່າງວ່າ: White Hat Hacker ກໍໄດ້ ສ່ວນພວກທີ່ນິໄສບໍ່ດີເຮົາຈະເອິ້ນວ່າ: Cracker ຫລື Black Hat Hacker ຊຶ່ງກໍຄື ມີຄວາມສາມາດເໝືອນ Hacker ທຸກປະການ ພຽງແຕ່ພຶດຕິກຳຂອງ Cracker ນັ້ນຈະເປັນການກະທຳທີ່ຂາດຈະລິຍະທັມ ເຊັ່ນ: ລັກຂໍ້ມູນ ຫລືເຂົ້າໄປທຳລາຍລະບົບຄອມພິວເຕີໃຫ້ເຮັດວຽກບໍ່ໄດ້ ເປັນຕົ້ນ.

Cracker

ແຄັກເກີ ຄື ບຸກຄົນທີ່ບຸກລຸກ ຫລື ລົບກວນລະບົບຄອມພິວເຕີທີ່ຢູ່ຫ່າງໄກ ດ້ວຍເຈດຕະນາບໍ່ດີ cracker ເມື່ອບຸກລຸກເຂົ້າສູ່ລະບົບ ຈະທຳລາຍຂໍ້ມູນທີ່ສຳຄັນ ເຮັດໃຫ້ຜູ້ໃຊ້ບໍ່ສາມາດໃຊ້ງານຄອມພິວເຕີ ຫລື ຢ່າງນ້ອຍເຮັດໃຫ້ເກີດປັນຫາໃນລະບົບຄອມພິວເຕີຂອງເປົ້າໝາຍ ໂດຍກະທຳຂອງ cracker ມີເຈດຕະນາບໍ່ດີເປັນສຳຄັນ ຄຳຈຳກັດຄວາມເຫຼົ່ານີ້ຖືກຕ້ອງ ແລະ ອາດໃຊ້ໂດຍທົ່ວໄປໄດ້ ຢ່າງໃດກໍຕາມຍັງມີບົດທົດສອບອື່ນອີກ ເປັນບົດທົດສອບທາງກົດໝາຍ ໂດຍການໃຊ້ເຫດຜົນທາງກົດໝາຍເຂົ້າມາໃຊ້ໃນສົມການ

ວິທີການທີ່ Hacker ແລະ Cracker ໃຊ້ເຂົ້າໄປກໍ່ກວນໃນລະບົບ Internet ມີຫຼາຍວິທີ ແຕ່ວິທີທີ່ນິຍົມຫລາຍມີ 3 ວິທີ ດັ່ງນີ້:
1. Password Sniffers: ເປັນໂປຣແກຣມນ້ອຍໆທີ່ຊ່ອນຢູ່ໃນເຄືອຂ່າຍ ແລະ ຖືກສັ່ງໃຫ້ບັນທຶກການ Log on ແລະ ລະຫັດຜ່ານ (Password) ແລ້ວນຳໄປເກັບໃນແຟ້ມຂໍ້ມູນລັບ
2. Spooling: ເປັນເທັກນິກການເຂົ້າສູ່ຄອມພິວເຕີທີ່ຢູ່ໄລຍະທາງໄກ ໂດຍການປອມແປງທີ່ຢູ່ອິນເຕີເນັດ (Internet Address) ຂອງເຄື່ອງທີ່ເຂົ້າໄດ້ງ່າຍ ຫລື ເຄື່ອງທີ່ເປັນມິດ ເພື່ອຄົ້ນຫາຈຸດທີ່ໃຊ້ໃນລະບົບຮັກສາຄວາມປອດໄພພາຍໃນ ວິທີການຄື ການໄດ້ມາເຖິງສະຖານະພາບທີ່ເປັນແກ່ນ ຫລື ຮາກ (Root) ຊຶ່ງເປັນການເຂົ້າສູ່ລະບົບຂັ້ນສູງສຳລັບຜູ້ບໍລິຫານລະບົບ ເມື່ອໄດ້ຮາກແລ້ວຈະສ້າງ Sniffers ຫລື ໂປຣແກຣມອື່ນທີ່ເປັນ Back Door ຊຶ່ງເປັນທາງກັບລັບໆໃສ່ໄວ້ໃນເຄື່ອງ
3. The Hole in the Web: ເປັນຂໍ້ບົກຜ່ອງໃນ World-Wide-Web (WWW ) ຊຶ່ງເປັນສ່ວນຫນຶ່ງທີ່ຢູ່ໃນອິນເຕີເນັດ ເນື່ງຈາກໂປຣແກຣມທີ່ໃຊ້ໃນການປະຕິບັດການຂອງ Website ຈະມີຫຼຸມ ຫລື ຊ່ອງວ່າງທີ່ຜູ້ບຸກລຸກສາມາດເຮັດທຸກຢ່າງທີ່ເຈົ້າຂອງ Site ສາມາດເຮັດໄດ້.

ປະເພດຂອງ Hacker

ແຮັກເກີ ໝວກຂາວ (White Hat Hacker): ອັນນີ້ເປັນສາຍຄຸນນະທຳທີ່ມີຄວາມຊ່ຽວຊານໃນການເຈາະລະບົບ ເພື່ອຫາຈຸດອ່ອນ ແລະ ວາງລະບົບປ້ອງກັນ ຊຶ່ງສ່ວນໃຫຍ່ແຮັກເກີສາຍນີ້ ຈະຖືກວ່າຈ້າງໂດຍບໍລິສັດ ຫລື ຫນ່ວຍງານຂອງລັດຖະບານ ແຮັກເກີໝວກຂາວທີ່ດັ່ງໆ ກໍຄື Tsutomu Shimomura ຜູ້ທີ່ເຄີີຍຮ່ວມມືກັບ FBI ໄລ່ຈັບສຸດຍອດແຮັກເກີຂອງໂລກມາແລ້ວ ແຖມຍັງຂຽນຫນັງສືຊື່ TakeDown ກ່ອນຈະຖືກນຳໄປເຮັດເປັນໜັງອີກດ້ວຍ

ແຮັກເກີ ໝວກດຳ (Black Hat Hacker): ສາຍມືດໝົ່ນທີ່ຄອຍຖ້າເຈາະລະບົບຢ່າງຜິດກົດຫມາຍ ພເອມກັບສ້າງຄວາມເສຍຫາຍໃຫ້ເກີດໃນລະບົບຂໍ້ມູນຄອມພິວເຕີ ເອີ້ນວ່າ: ພະຍາຍາມເຮັດທຸກວິທີໃຫ້ລະບົບພັງພິນາດ ທັງແບບເຮັດເພື່ອເງີນ ແລະ ເຮັດຫລິ້ນເພື່ອຄວາມມ່ວນ ແຮັກເກີຕົວແສບໆ ໃນສາຍນີ້ມີຫລວງຫລາຍ ແຕ່ເຮົາຂໍຍົກໃຫ້ Robert Tappan Morris ຄົນທໍາອິດທີ່ສ້າງວອມ (Worm) ຂຶ້ນມາປ່ວນລະບົບ ໂດຍ MorrisWorm ຂອງທ່ານໄດ້ທຳລາຍຄອມພິວເຕີໄປຫລາຍກວ່າ 6,000 ເຄື່ອງທົ່ວໂລກ
ແຮັກເກີ ໝວກເທົາ (Gray Hat Hacker): ເຄິ່ງກາງທີ່ດີ ແລະ ບໍ່ດີ ແບບວ່າຍັງບໍ່ຕັດສິນໃຈວ່າຈະເລືອກເປັນແຮັກເກີສາຍໃດ ສ່ວນຫລາຍຈະທົດລອງເຈາະລະບົບຂໍ້ມູນຕ່າງໆ ຈາກນັ້ນກໍເອົາຂໍ້ບົກຜ່ອງເພື່ອນໍາໄປໂພດອອນໄລນ໌ ແລ້ວກໍປ່ອຍໃຫ້ເຈົ້າຂອງເວັບ ຫລື ໂປຣແກຣມເມີຫາວິທີປ້ອງກັນພວກໝວກດຳກັນເອົາເອງ Adian Lamo ຄືຊື່ຕົ້ນໆ ທີ່ນຶກອອກ ໝໍນິ້ເປັນແຮັກເກີສາຍເທົາທີ່ເຄີຍເຈາະຂໍ້ມູນຂອງ The New York Times, Yahoo ແລະ Microsoft ມາແລ້ວ

ແຮັກເກີ ໝວກເຫຼືອງ” (Yellow Hat Hacker) ເພີ່ມຂຶ້ນມາ ຊຶ່ງແທນຄ່າຂອງທອງ ຫລື ເງີນຕຣາ ເວົ້າໃຫ້ແຈ້ງຄື ແຮັກເກີປະເພດທີ່ເຮັດໄດ້ທຸກຢ່າງເພື່ອເງີນ.

ລະບົບສື່ສານຂໍ້ມູນ

ການສື່ສານຂໍ້ມູນ (Data Communication)

ການສື່ສານຂໍ້ມູນເປັນການຖ່າຍທອດຄວາມຮູ້ ຄວາມຄິດ ຄວາມຮູ້ສຶກຈາກຄົນໜຶ່ງໄປສູ່ອີກຄົນໜຶ່ງ ໂດຍອາໃສສື່ ຫຼື ເຄື່ອງມືຕ່າງໆ ເປັນຊ່ອງທາງໃນການສື່ສານ ເຊັ່ນ: ການສື່ສານດ້ວຍທ່າທາງ, ຖ້ອຍຄໍາ, ສັນຍະລັກ, ຮູບແຕ້ມ, ຈົດໝາຍ ເປັນຕົ້ນ. ຕໍ່ມາການສື່ສານຂໍ້ມູນໄດ້ພັດທະນາ ແລະ ກ້າວໜ້າໄປຢ່າງຕໍ່ເນື່ອງ ມີການນໍາເທັກໂນໂລຊີຄອມພິວເຕີ ແລະ ເທັກໂນໂລຊີດ້ານເຄືອຂ່າຍຄອມພິວເຕີ ມາປະຍຸກໃຊ້ໃນການຕິດຕໍ່ສື່ສານ ເຮັດໃຫ້ການສື່ສານມີຄວາມສະດວກ ວ່ອງໄວ ລວມທັງໄດ້ຮັບຂ່າວສານທັນຕໍ່ເຫດການອີກດ້ວຍ.

1. ຄວາມໝາຍຂອງການສື່ສານຂໍ້ມູນ

ການສື່ສານ (Communication) ໝາຍເຖິງ ຂະບວນການຖ່າຍທອດ ຫຼື ແລກປ່ຽນສານ ຫຼື ສື່ລະຫວ່າງຜູ້ສົ່ງກັບຜູ້ຮັບ ໂດຍສົ່ງຜ່ານຊ່ອງທາງນໍາສານ ຫຼື ສື່ ເພື່ອໃຫ້ເກີດຄວາມເຂົ້າໃຈເຊິ່ງກັນ ແລະ ກັນ

ການສື່ສານຂໍ້ມູນ (Data Communication) ໝາຍເຖິງ ຂະບວນການ ຫຼື ວິທີການຖ່າຍທອດຂໍ້ມູນ ລະຫວ່າງຜູ້ໃຊ້ກັບຄອມພິວເຕີ ທີ່ມັກຈະຢູ່ຫ່າງໄກກັນ ແລະ ຈໍາເປັນຕ້ອງອາໄສລະບົບການສື່ສານໂທລະຄົມມະນາຄົມ (Telecommunication) ເປັນສື່ກາງໃນການຮັບສົ່ງຂໍ້ມູນ.

2. ອົງປະກອບຂອງລະບົບສື່ສານຂໍ້ມູນ

ອົງປະກອບພື້ນຖານຂອງລະບົບສື່ສານຂໍ້ມູນ ປະກອບດ້ວຍ:

1. ຂໍ້ມູນ/ຂ່າວສານ (Data/Message) ຄື ຂໍ້ມູນ ຫຼື ສາລະສົນເທດຕ່າງໆ ທີ່ຕ້ອງການສົ່ງໄປຍັງຜູ້ຮັບ ໂດຍຂໍ້ມູນ/ຂ່າວສານອາດປະກອບດ້ວຍຂໍ້ຄວາມ, ຕົວເລກ, ຮູບພາບ, ສຽງ, ວີດິໂອ ຫຼື ສື່ປະສົມ

2. ຜູ້ສົ່ງ (Sender) ຄື ຄົນ ຫຼື ອຸປະກອນທີ່ໃຊ້ສໍາລັບສົ່ງຂໍ້ມູນ/ຂ່າວສານ ເຊິ່ງອາດເປັນເຄື່ອງຄອມພິວເຕີ ໂທລະສັບ ກ້ອງວີດິໂອ ຈານດາວທຽມ ເປັນຕົ້ນ

3. ຜູ້ຮັບ (Receiver) ຄື ຄົນ ຫຼື ອຸປະກອນ ທີີ່ໃຊ້ສໍາລັບຮັບຂໍ້ມູນ/ຂ່າວສານ ທີ່ທາງຜູ້ສົ່ງຂໍ້ມູນສົ່ງໃຫ້ ເຊິ່ງອາດເປັນເຄື່ອງຄອມພິວເຕີ ໂທລະສັບ ເຄື່ອງພິມ ຈານດາວທຽມ ເປັນຕົ້ນ

4. ສື່ກາງໃນການສົ່ງຂໍ້ມູນ (Transmission media) ຄື ອຸປະກອນ ຫຼື ສິ່ງທີ່ທໍາໜ້າທີ່ຮັບສົ່ງຂໍ້ມູນ/ຂ່າວສານ ໄປຍັງຈຸດໝາຍປາຍທາງ ໂດຍສື່ກາງໃນການສົ່ງຂໍ້ມູນ ຈະມີທັງແບບມີສາຍ ເຊັ່ນ: ສາຍເຄເບີ້ນ, ສາຍຍູທີພີ, ສາຍໄຟເບີຣ໌ອອພຕິກ ແລະ ສື່ກາງໃນການສົ່ງຂໍ້ມູນບໍ່ມີສາຍ ເຊັ່ນ: ຄື້ນວິທະຍຸ ໄມໂຄຣເວຟ ແລະ ດາວທຽມ

5. ໂພຣໂທຄອລ (Protocol) ຄື ກົດເກນ ລະບຽບ ຫຼື ຂໍ້ປະຕິບັດຕ່າງໆ ທີ່ກໍານົດຂື້ນມາເພື່ອເປັນຂໍ້ຕົກລົງໃນການສື່ສານຂໍ້ມູນ ລະຫວ່າງຜູ້ຮັບ ແລະ ຜູ້ສົ່ງ ເພື່ອໃຫ້ຜູ້ຮັບ ແລະ ຜູ້ສົ່ງເຂົ້າໃຈກັນ ແລະ ສາມາດສື່ສານກັນໄດ້ຢ່າງຖືກຕ້ອງ

6. ຊອບແວຣ໌ (Software) ເປັນໂປຣແກຣມສໍາລັບດໍາເນີນການ ແລະ ຄວບຄຸມການສົ່ງຂໍ້ມູນຜ່ານຄອມພິວເຕີ ເພື່ອໃຫ້ໄດ້ຂໍ້ມູນຕາມທີ່ກໍານົດໄວ້ ຕົວຢ່າງຊອບແວຣ໌ ເຊັ່ນ: Windows 10, Unix, Google Chrome, Internet Explorer ເປັນຕົ້ນ.

ຂໍຂອບໃຈ

http://yarkhu.blogspot.com/2019/02/blog-post_25.html

Information Technology

Information Technology

หน้าเว็บ

วันพุธที่ 27 กุมภาพันธ์ พ.ศ. 2562